Vabarna Jalmar

 Ma olõ sündünü’ 17. aprillil 1987, kasunu’ ja koolih k´aunu’ Verskah. Mu muusigutii naas pääle Verska Muusigakoolih, peräst opõ perimüsmuusikat Viländi Kultuuriakadeemiah ja üte aestaga tävvendi hinnäst Rootsi Ingesundi Muusigakorgkoolih.

Jo noorõ poiskõsõna ma sai arvu, õt seto kultuur om mu jaost midägi’, midä om vaia hoita’ ja edesi viiä’. Muusika om olnu’ mu võimalus kõnõlda’ uma rahvast, juurist ja kodokotusõst nii Eestih ku ka’ üleilma.

Aestagal 2003 sündü ansambli Zetod ja läbi tuu pundi loomingu mi olõ seto leelo helisemmä pandnu’ pia 20 erineväh riigih üleilma. Mi olõ mängnü’ nii saalõ ku saatuhandilõ inemisilõ (Laulupido). Mi tegutsõ s´ooni’ aoni’ ja olõ uma kõgõ parebah vormih! Seto leelo ja kultuuri edesikandminõ k´au tävve huuga’.

Ma olõ mängnü’ ka’ ansamblih Klapp, Curly Strings, Trad.Attack! jt ja andnu’ kontserte 39 riigih üle ilma. Seto Kuningriik om sis 40nes! S´ool tiikunnal ma olõ vällä andnu’ päät 20 heliplaadi, minkast vähäbält puuli alosainõst om seto leelo ja tandsumuusika.

Ma pia uma elotüüst muusiga- ja inspiratsioonikeskusõ TRESKI luumist. Edimätsest plaanist löüdä’ rahu talokotusõst kasvi vällä võimas kontserdi ja sündmüskotus, koh om õgal aestagal Treski Fest ja tõisigi’ sündmüisi.

Seto juurõ’ om mu jaost uhkusõ läteh. Mi kiil, leelo, kombõ’ ja perimüs olõ-õi õnnõ innine aig, a om üts jago täämbätsest pääväst. Midä inäbä mi nuid õgapäävätselt pruugi ja hinda, tuud kindlabahe nuu’ joudva’ ka’ järgmätsi sugupõlvini’.

Õgapäävätselt ma elä Tarto liinah ja mul om kats armast pujakõist Villem ja Kuu, kinkõlõ ma püvvä ka’ eis’ seto kultuuri tiidmisi ja tarkuisi edesi anda’.

Ülebsootskana ma pia tähtsäst tugõvda’ kogokunna üttekuuluvust ja saista’ tuu iist, õt Setomaa ja seto kultuur olõs nättäv ja hinnat nii Eestih ku ka’ rahvusvaihõlitsõlt.

***

I was born in 1987 and grew up in Värska, Setomaa. My musical journey began at Värska Music School, followed by studies in traditional music at the Viljandi Culture Academy and the Ingesund School of Music in Sweden.

For me, music has always been a way to preserve and share Seto culture. Since founding the band Zetod in 2003, we have brought Seto leelo to audiences in more than 20 countries. I have also performed with Trad.Attack!, Curly Strings, Klapp and other ensembles, giving concerts in 39 countries and contributing to more than 20 albums, many inspired by Seto traditional music.

I am also the founder of TRESKI, a music and inspiration centre in Setomaa that hosts the annual Treski Fest and many other cultural events.

As Ülembsootska (the representative of the Seto people), I am committed to strengthening the Seto community and ensuring that our language, traditions and cultural heritage continue to thrive and gain recognition both in Estonia and internationally.